المدونة التالية
كافة المدونات

هموم سندباد

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

تعرف مرارة الانتظار
تعرف شعور القلب
لحظة الانكسار
أنا سندباد
وبرغم كوني سندباد
دايما ً في حالة انتظار
لحظة وصول في الليل تاخدنى
لشط أحلامي الكبار
معرفش غير طعم المرار والإنكسار
البحر سارق ضحكتي
والخوف دليلي ف سكتي
والقلب

المزيد


سندباد العاشقين

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

تعرفى شوق الانتظار
تعرفى……..إزاى فؤادى
بيبقى حاسس بالمرار ………
أنا سندباد العاشقين
وبرغم كونى سندباد
ما ليش مراكب أو بحار
مركبي و بحري …… عيونك
رغم كونك
شط بحري اللى مبعرفلوش قرار
جنتي في الكون ………شفايفك
رغم إنى لسه شايفك
ع المدى دايما ً بعيدة
بكتبلك ……… أروع قصيدة
يا هوايا ……….

المزيد


توبة

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

منشور أنا
منشور على
حبلين غسيل
من كام سنة
من كام سنة والدنيا ليل
من كام سنة والفجر بيحاول يكون
بس الدموع
بتخنق الشمس الوئيدة ف مهدها
بتهدها… بترَجع الليل البهيم من أوله
تنزل فتافيت حلمنا
خايخة جدورها من العطب
مهدود
مهدود يا قلبى من التعب والإنتظار
مستنى أيامك تودع حزنها
المرسوم على القوس والوتر
مستنى كلمة حق
تخرج من حجر
لساك بتحلم بالعنين
اللى بتروى العطشانين
لساك حزين
لساك بتبكى م الحنين
للى هجر
لساك بشر
فى زمان ……. صبح فيه البشر
اشباه بشر
صَبَحُم مسوخ
من غير إيدين
من غير عِنين
من غير قلوب تشعر /
تحس برعشة الحب ف وريد
لساك عنيد ؟!
لساك بتحلم من جديد ؟!
بحكاية الحب
اللى تنهى غُربتك جوة الديار
لساك حمار ؟!
ما تفوق بقى ..
مستنى إيه
مستنى شمس الكون تنور سكتك ؟!
راحت عليك

المزيد


رحلة النسيان

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

وعديت لك
على الأشواك  انا مشيت لك
وجيت لك
رغم أحزانى 
ورغم الخوف فى ألحانى
ورغم الليل
انا جيت لك
وعديتلك حدود الآه
وسافرت فى بلاد الله
عشان قلبى يغني لك
بشوق وانتي تغنى معاه
وغنيت لك …. غناوى كتير
وكنتي أميرة الأحلام
وانا ….. فارس من الأساطير
وكان الحلم جوايا
كما حكاية
بتغزل كل يوم طرحة
وميت فرحة
تنور لك  لياليكى
وانا ……. ليكى
وفاتح لك شبابيكى

المزيد


حقوق إنسان

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

  

حقوق إنسان
فى دى الأوطان …..متلقاشي
مرارة العيشة والأيام
وظُلم الناس ….. مخلاشي
حكومة تخلى أيامك
ضلام على طول
ومش معقول……….
نقول على الضلمة شموسة
……………………..
يا خلق الله
دا لو أحكى على اللى صار
فى أوطانى
وضيع بسمتى منى ….. وخلانى
بكيت بدل الدموع ……..دمى
حبيبتى يا مصر ……….. يا أمى
أكيد ……… راح تبكى ويايا
على الانسان
وباحكي لك
وغصبٍ عنى بشكي لك
ما هو انتى الحضن واللمة
ومش همة اللى ممكن يخدعوا قلبك
وتنسينى
فسامحينى …….
لَإن الكلمة مجروحة

المزيد


مبارك عليكم

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

مبارك عليكم قانون الطوارىء
مبارك عليكم يا أهل النضال
مبارك هيفضل ….
على قلوبكو قاعد………
بحكم الطوارىء……
بأمر اعتقال………
مبارك عليكم ……
***
مبارك عليكم
وأول ما يرحل
هيورثكوا إبنه
ما هى عزبة
يملكها مستر جمال
مبارك عليكم
مبارك وبشرى لكم يا شباب
هتلقوا وظيفة
ورا كل باب

المزيد


اعتذار

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

اعتذار
image8
آسف يا ابنى
مش هتألم 
مش هذرف دمعاتى عليك
آسف يا ابنى
مش هتكلم
مش هصرخ باسمك / أناديك
…………..
أنده مين ..؟!
دول قتلوك …
وانت ف رحم الأم _ جَنين _
أنده مين
أنده مين والكل خلاص ….
صمٌ …….بكمٌ……
لا أنفاس
لا إحساس
حتى القلم التايه دايما ً
جوة سطور الحلم
اهو خاننى
رافض يكتب لك عن حزنى
رافض يبقى الدم مداده
نفسه يغنى ….!!
………..
قسما ً يا ابنى
قسما ًلارمى القلم الخاين
واكتب بالقلم / السكين
وافتح جرح الوطن النايم
وابدأ بالموصل …. وجِنين

المزيد


كفاية

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

ناس ………. وناس
مساكن  مدافن……….
ومليانة ناس
بحبك ولكن ….
منيش زى ناس
غرامك ياخدنى
أضمك ف حضنى
وأبنى ف قلبى لحبك أساس
ولكن بلاقى بعينى التلاقى
ما بينك وبينهم ……..
وخدك مداس ………
……….
حبيبتى كفاية
يا قلبك رحاية
بتطحن حبايبك
بتشرب دمايا
………………
حبيبتى كفاية يا قلبك حجر
يا ضحكى وبكايا …….
وغناوى السفر ……
يا بستان محبة لكل البشر …..
انا فى ترابك خلاص ……

المزيد


وداع

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

وداع
وبنسلم …………..
وبنودع ساعات الفرح
ونتألم ……..ونتعلم
ندوس على الجرح ……..
ويمكن نبكى جوانا
ويمكن نمسك الاقلام
علشان نكتب حكايتنا
ونكتب سطر او اكتر
وفجأة الحلم يتبخر …..
وفجأة تضيع ملامحنا
على الأوراق
فنملى قلمنا بدمانا
نحاول نكتب القصة
فتنزل دمعتين منا
وتغرق كل قصتنا

المزيد


عولمة

أغسطس 23rd, 2007 كتبها الشاعر / محمد وهبة نشر في , شعر عامية, 

لا يوجد تعليق
, 

عولمة
اقلع جلابيتك وعمامتك
والبس كاوبوى……….
قول :" مامى ودادى " يا هريدى
ما تقولش :" يا بوى "
وانسى ان لك
ارض كَتيرة ………
ترويها وتتعاص فى الطين
وانسى انك لك

المزيد


التالي